Transcription
1
Monsieur, ie reseus lautre iour ungne vostre letre. Dieu sait le
2
bien que me fut dantandre de vous nouvelles et bonne santé et Luy
3
prie vous y vouloir maintenir. Ie vous promecs que ian suis bien
4
an peine voyant le troubles qui sont ordinerement auprès de vous,
5
et qui sampresantent de nouveaus. Il faudroit aller bien loing pour
6
ne voir de facheries. Ie me remecs à monsieur de Veines mon cousin
7
à vous escripre de nouvelles de ce cartiers ; quand au miennes, ie suis
8
arivée an ce lieu an fort bonne santé, graces à Dieu, et toute ma
9
compagnie aussi. Et a esté nostre voyage bien heureus, car nous
10
avons heu le plus beau tamps quil e[s]t possible. Il e[s]t vray que an
11
ce mois de fevrier, il a fait de si grands frois que ma fille et
12
ma niepse ont une remue qui le fachent ung petit et sur tout ma
13
fille, mès iespère, avecques laide de Nostre Seigneur, que ce ne
14
sera rien. Quand à mes affaires, iay donmé [sic] quelque coomancement
15
et yer, nous plaidames dans la chambre des requetes, chacun par
16
son advocat. Si vous saviés, monsieur, les defances et raisons de
17
ma partie, vous an panceriés ce que beaucoup dautres an ont dit. Ie
18
pence que iustise me sera faite. Ie nay pas heu la peine de debatre
19
mes letres de coumitimus, car cela e[s]t passé ainsi. Il met veneu bien
20
à propos pour ninportuner la raine pour ce faict. Que[s]t tout ce
21
que ie vous escriprai pour le presant, que de vous suplier très humblement
22
me fère cet honneur de me departir de vous nonouvelles [sic] et vous
23
asseurer que nan ferés iamais part à perssonne qui de melleur cœur
24
desire vous fère bien humble service. Iay esté bien ayse de celles
25
que mavés mendé de madamoiselle d’Ourche ma niepse. Et sur ce, ie vous
26
baise très hunnblement le mains, priand Dieu que vous doinct,
27
monsieur, an très parfaicte santé, très heureuse longue vye. De Paris, ce XVIII
28
fevrier.
29
Vostre bien hunmble et obeyssante cousine
30
à vous fère servise LUCRECE DANTIBOUL.